今日要遠征去多年都沒有探訪的地方-元朗.
第一件事就要醫肚. 早餐邊度好? 當然係澳牛.
[澳牛]
去到門口, 剛好冇人龍. 即刻行入去. 澳牛的伙記即刻安排入座. 跟住就問食乜. 去澳牛一定要有心理準備這種方式和未坐底前決定食乜. 其實來來去去都係早餐, 茶餐和快餐. 非常容易. 無問題.
今日叫咗常餐. 通粉, 炒疍(必吃)和㚫茶. 加多份疍治.
澳牛皇牌-炒疍. 永遠保持水準. 滑滑! 盡在不言中.
現今入元朗真係話咁快就到. 港鐵加輕鐵不須一個鐘. 想當年入元朗係一天的活動. 真方便.
[勝利牛丸]
好多網上都介紹這間牛丸/牛腩.一於試下牛丸和牛腩.
牛腩是用柱候醬抆的. 牛腩是'碎"牛腩(用牛腩邊的肉). 是舊一代車仔麵的味道. 又係個句-回憶是最好的調味. 註:很多年前, 牛腩是貴價品, 一般車仔麵檔都用廉價牛腩邊的肉加埋D柱候醤來做的. 記得當年叫碗浄麵, 一定叫檔主加D(免費)牛腩汁. 相熟的檔主, 除了腩汁外, 都會私人醒D碎腩. 樂得半天. 懷念當年簡單無憂的曰子!
[發記腸粉]
老伴最喜愛的食物. 網上很多推介. 一於試下.
叫咗齋腸, 蝦米腸和艇仔粥. 不消算分鐘, 齋腸和蝦米腸一齊上檯. 熱辣辣加埋鼓油. 非常吸引. 可以睇到層次分明. 腸粉相當滑. 水準比一般高.
[天鴻燒鵝]
天鴻的地址是在發記對面. 但係搵咗好耐都揾唔到. 最後行咗幾個圈, 終於發現此店在大廈的另一邊.
鵝是新鮮在店中燒的. 剛好午飯時間, 新鮮熱辣的掛在店中. 最終受不起吸引, 坐底叫咗個下裝.
店員即刻斬咗個下裝上碟. 快速影相後, 就品嚐. 一啖咬下件皮脆肉嫩的鵝肶. 味道非常入味. 脆皮下一層肥膏加埋嫩肉. 已經是極品. 第二件點埋蘇梅醬, 天作之合. 正式美味的廣東燒鵝.
最後發覺大部份的美食都來自一些有誠意和專心的街坊小店. 而唔係D所謂星店. 點睇?
[Amigo 雅谷餐廳]
每次經過跑馬地, 都見到此餐廳門口的太陽招牌. 今晚和老伴終於一起試雅谷.
我倆每人叫做Set Dinner. 頭盤和主菜都有幾款選擇. 我的頭盤點咗魚子伴龍蝦卷, 老伴就叫咗蜆湯. 魚子新鮮沒有鯹味.
主菜點咗煎鵝肝配牛柳. 老伴就要煎帶子配牛柳. 我倆的牛柳都係Medium Rare. 做得剛好. 煎鵝肝亦煎到外脆. 味道豐富.
小貼是: 預早訂坐, 餐廳準備印有名字的notepad. 亦準備咗玫瑰花送給女伴. 服務一流. 足夠職員照顧每一個情序亦適當細心. 環境亦相當適合慶祝特別日子.
Day 6
今天約了家人午餐去流浮山用膳. 晨早起床就到付近用過輕膳.
[百利茶餐廳]
網上有介紹就試試. 一般港式茶餐廳的早餐. 疍加麵或通粉. 通天非常多人.
叫咗個煎疍和通粉. 老伴就叫咗奄列. 水準一般. 餐飽就有驚喜.
[流浮山]
今日有專車接送到流浮山. 極之遊客feel. 慳番相當多的時間. 多謝!
很久沒有到流浮山, 大致上沒有太多變化.
沿街上, 有很多海鮮店和餐廳. 絕對是香港特式. 選擇自己喜愛的海鮮, 可以帶到任何餐廳烹調.
其它海鮮由家人發辦. 最後有九節蝦和斑魚. 本來想試奄仔蟹, 但係今天的貨式唔靚, 所以放棄.
同塲加咗蜜餞雞翼, 有驚喜.
午飯後, 到海邊走走. 可以見到一些漁民在開𧐢和曬𧐢. D金𧐢好正呀!
<<第三章完, 待續....>>
No comments:
Post a Comment